Curiosity sjell regjistrimin e parë të një zëri njerëzor.

Curiosity sjell regjistrimin e parë të një zëri njerëzor.

 

Agjencia Amerikane e Hapësirës, NASA, ka realizuar një tjetër  arritje historike me Sondën e Hapësirës Mars Curiosity: regjistrimin e parë të një zëri njerëzor nga Toka për në një tjetër planet dhe anasjelltas.

Zëri i regjistruar i administratorit  të NASA-s Charlie Bolden përshëndeti anëtarët e ekuipazhit të sondës Curiosity. Ai thotë: “Jam administratori i NASË-s, që po ju flas përmes sistemit transmetues të Sondës Curiosity, që tani ndodhet në sipërfaqen e Marsit.” Ai tha se është pikërisht kurioziteti që i shtyn njerëzit të eksplorojnë hapësirën.

Zëri i regjistruar u publikua krahas me pamjet e fotografuara të relievit të ndryshueshëm të Marsit. Fotot paraqesin gryka malore dhe shkëmbinj të gërryer nga erozioni, ku dallohen qartë shtresat gjeologjike.

Drejtori i programit të NASA-s  tha se shpreson që mesazhi nga Marsi do të frymëzojë  dikë që të bëhet personi i parë që të shkojë në Mars.

Sonda Curisosity ka tre javë që ka mbërritur për një mision dy-vjeçar në Mars. Ajo është pajisur me 10 instrumente shkencore që do të analizojnë një zonë e caktuar për studim, në se atje ekzistojnë kushtet e favorshme mjedisore për zhvillimin e jetës.